දෙලොවක අතරමංව
අඳුරේ අතපත ගාමින්
කොතෙක් දුර යා හැකිද
නාඳුනන මේ මගේ . . .
ජීවිත නිම්නය දිගේ
නිමක් නැති මාවතේ
ඇවිදිමින් ඔහේ යයි
කාලයේ වැලි තලාවේ . . .
ඇවිද යන මාවතේ
මල් පිපී වැනේවී
හුදකලා මලක් ඇත
ජීවිතය අයදිමින්
අත පොවන මානයේ
නෙලාගත්තද අතට
රැගෙන යාමට නොහැක
තබාගන්නට නිබඳ . . .
පමාවී දැනුනු ඒ
මල් සුවඳ විඳගමින්
හැර යන්න සිදුවේද
හුදකලා මග දිගේ . . .
මග නොදැන යන අතර
අහම්බයකින් වගේ
හමුවූ සමනලියගෙන්
කෙසේ අසනුද මගක්
නොදන මග පියඹලා
අතරමං වී ඇයත් . . .
No comments:
Post a Comment